تاند (یکشنبه د جوزاـ مرغومي ۳۱مه) د طالبانو د حکومت مسوولانو ویلي چې، بدخشان کې د سرو زرو استخراج او زرمینځنې بهیر بیا پیلېږي.
د طالبانو ملاتړې رسنۍ حریت لیکلي چې، د نوي توشېح شوي قانون له عملي کېدو سره به بدخشان کې د سرو زرو استخراج او زرمینځنې بهیر بېرته پیل شي.
راپور کې راغلي چې، د نوي قانون له مخې، دودیزه زرمینځنه به له دولتي عوایدو معاف وي.
راپور کې راغلي چې، د سرو زرو له استخراج څخه به یوازې «خمس» پینځمه اخیستل کېږي او که سره زر ترلاسه نه شي، «خمس» پینځمه به هم معاف وي.
د سرچینې د راپور له مخې د دې بهیر له بیا پیلېدو سره به د بدخشان بیا رغونې او خلکو ته د کاري فرصتونو برابرولو ته غوره زمینه برابره شي.
د رسنیو د راپورونو له مخې د غبرګولي په ۶مه طالبانو په تخار او بدخشان ولایتونو کې د سرو زرو د اېستلو د نږدې ټولو سیمه ییزو شرکتونو چارې درولې وې.