تاند (چهارشنبه د غبرګولي/ جوزا ۲۶مه) افغانستان کې د طالبانو د حکومت د کورنیو چارو وزارت وایي چې له دې وروسته به د افغانستان خلاف لاس موټرو ته هېڅ پلېټ ورنکړل شي.
د دغه وزارت ویاند، عبدالمتین قانع رسنیو ته ویلي چې، د افغانستان خلاف یا پاکستان لاس هغه موټر به هم له کابل څخه و ایستل شي چې مخکې د ګرځېدو اجازه ورکړل شوې وه.
د طالبانو د کورنیو چارو وزارت ویاند د افغانستان خلاف لاس موټرو د شټرېنګ بدلولو موضوع ته په اشارې ویلي چې، په دې اړه لا هم وروستۍ پرېکړه نه ده شوې، خو په وینا یې چې د څو ارګانونو ترمنځ خبرې روانې دي.
په ورته مهال یو شمېر هېوادوال هم پر دې پرېکړه خوښ دي او د ژر عمليکېدو غوښتنه یې کوي.
دوی ټینګار کوي چې د پاکستان لاس (افغانستان خلاف لاس) موټرو په کمېدو سره به هېواد کې خونړۍ ترافیکي پېښې کمې شي.
د یادونې وړ ده چې، د افغانستان خلاف لاس موټرې په مرکز او لویو ښارونو کې د بې نظمۍ لوی لامل ګڼل کېږي او دغه راز په لویو لارو کې د ترافیکي پېښو د زیاتوالي لوی لامل هم همدا موټرې ګڼل کېږي.
افغانستان بايد په هره مانا افغانیزه سي.
دغه کار هر څومره چي ژر کيږي د هيواد په ګټه ده.
په ټولو لويو ښارونو کي بايد پاکستان لاس بند سي… او بيا په ټول افغانستان کي