تاند( یکشنبه د غویي ـ ثور ۲۰مه) هرات ولایت کې د لباس تولیدوونکو ټولنې مشر وايي، په لومړي ځل له هرات څخه عراق ته د ښځو او ماشومانو شل زره جوړې کالي صادریږي.
د یادې ټولنې د مسوول په وینا د دغو کالیو بیه شاوخوا سل زره امریکايي ډالره ده.
سرچینه زیاتوي چې دغه کالي د لوړ کیفیت ترڅنګ د وخت پر معیارونو برابر عراق ته صادر شول.
ټاکل شوې چې په بل پړاو کې به له هرات عراق ته د لا نورو لویو صادراتو لپاره تړونونه وشي.
هرات د افغانستان په کچه له لویو صنعتي ښارونو دی چې وړاندې تر دې یې امریکا، تاجکستان او نورو هېوادونو ته هم افغان تولیدات صادر کړي دي.