تاند (دوشنبه، د کب/ حوت ۱۸ مه) د افغانستان دفاع وزارت پرون (یکشنبې) اعلان وکړ چې د پاکستان د بریدونو پر وړاندې د خپلو غچ اخیستونکو عملیاتو په دوام کې یې د ننګرهار په لالپورې ولسوالۍ کې یوه پاکستانۍ بېپیلوټه الوتکه (ډرون) راغورځولې ده.
دې وزارت ویلي چې د پاکستان دا ډرون د کشفي او استخباراتي ماموریت لپاره د افغانستان فضايي حریم ته داخل شوی و.
د پاکستان چارواکو تر اوسه د طالبانو په اړه څه نه دي ویلي.
د پاکستان جنګي الوتکې او ډرونونه د افغانستان د څو ولایتونو پر فضا ګزمه کوي. د افغانستان دفاعي ځواکونو مخکې هم اعلان کړی و چې په کابل او یو شمېر نورو ولایتونو کې یې پر پاکستاني جنګي الوتکو د درنو وسلو ډزې کړې دي.
تر دې وړاندې د پاکستان یو شمېر بې پېلوټه الوتکې غورځول شوي او د جنګي الوتکو د غورځولو ادعاوې هم شوي دي خو تراوسه په خپلواک ډول دا ډول ادعاوې تایید شوي نه دي.