تاند ( دوشنبه د سلواغې ـ دلوې ۲۷مه) د خیبر پښتونخوا د بنو ولسوالۍ مېرین پولیسو مرکز ته نږدې چاودنه شوې ده.
د راپورونو له مخې په دې چاودنه کې دوه کسه وژل شوي او ۱۵ نور ټپیان دي.
د راپورونو له مخې؛ چاودنه د دوشنبې په سهار (د سلواغې ۲۷مه) د پولیسو یاد مرکز ته نېږدې شوې ده، خو د مړو او ټپیانو هویت نه دی څرګند شوی چې، څوک دي.
د پاکستانۍ رسنۍ خراسان ډایري په خپور شوي راپور کې راغلي، چې چاودېدونکي توکي په یوه موټرسایکل کې ځای پرځای شوي وو.
تر اوسه رسمي سرچینو د یادې پېښې په اړه څه نه دي ویلي.
دغه راز کومې مخالفې وسله والې ډلې همد دغه چاودنې مسوولیت تر اوسه نه دی منلی.
پاکستان څخه د نا امنۍ دا راپور نه لومړنۍ او نه هم وروستی دی، بلکې هره ورځ ترې د نا امنیو راپورونه خپرېږي چې، تر ډېره په کې د پېښو مسوولیت د پاکستاني طالبانو ډله یا ټي ټي پي په غاړه اخلي.