تاند ( یکشنبه د سلواغې ـ دلوې ۲۶مه) ملګري ملتونه وایي، هر کال په ټوله نړۍ کې شاوخوا ۴۰۰ زره ماشومانو او ځوانانو کې سرطان تشخیصېږي.
ملګري ملتونه وایي چې، تر ټولو ډېر عام ډولونه یې لیوکیمیا، لمفوم، د مغز سرطان او نور سخت ټومورونه دي.
دا معلومات د ماشومانو د سرطان د ورځې په مناسبت، د روغتیا نړیوال سازمان (WHO) شریک کړي دی.
یاد سازمان وایي دا کار یې ځکه کړی څو والدین، ښوونکي او ټولنه د دې ناروغۍ د مخنیوي او لومړني تشخیص په اهمیت پوه شي.
د ملګرو ملتونو ادارې ټینګار کړی چې د ماشومانو د سرطان پر وړاندې مبارزه نړیواله همکاري او د روغتیايي خدماتو پراخ لاسرسی غواړي.