تاند ( شنبه د سلواغې ـ دلوې ۲۵مه) د طالبانو د حکومت د کار او ټولنیزو چارو وزارت ویلي چې، د راتلونکې روژې په مبارکه میاشت کې یې د مرکز او ولایتونو په کچه د ادارو د کارکوونکو د کار د پیل او پای وختونه مشخص کړل.
یاد وزارت د خپرې شوې خبرتیا له مخې ویلي چې، د روژې په مبارکه میاشت کې به کار د سهار په ۹ بجو پیل او د ماسپښین په ۲ بجو به د ماسپښین تر لمانځه وروسته پای مومي.
په خبرتیا کې له شنبې تر پنجشنبې ټولو ورځو لپاره یاد وختونه ټاکل شوي دي.
سرچېنې زیاته کړې، تولیدي، نشراتي، روغتیايي او تعلیمي ادارې دې د خپلو کاري او اقلیمي شرایطو په پام کې نیولو سره د خپلو کارکوونکو د کار د پیل او پای مهال وېش تنظیم کړي.