تاند ( شنبه د سلواغې ـ دلوې ۲۵مه) د طالبانو د حکومت وياند ذبیحالله مجاهد، د پاکستان د دفاع وزیر وروستۍ څرګندونې بېاساسه وبللې او زیاته یې کړه چې، د دغه هېواد د چارواکو خبرو ته هېڅ اهمیت نه ورکوي.
مجاهد په خپله تازه مرکه کې دغه څرګندونې کړې دي.
هغه په دې مرکه کې ټینګار وکړ چې دوی یوازې د خپل هېواد له ملي حاکمیت او خاورې څخه دفاع ته ژمن دي.
مجاهد ویلي چې په دې وروستیو کې د پاکستان حکومت ځینو چارواکو د افغانستان د حکومت پر ضد ناسم تبلیغات او بېبنسټه تورونه پیل کړي چې، په وینا یې د دغو څرګندونو تر شا اصلي هدف د افغانستان پر وړاندې د یوې منفي فضا رامنځته کول دي او دوی دغه تورونه په کلکه ردوي.
دا څرګندونې داسې مهال سره تبادله کېږي چې، چې په دې وروستیو کې د کابل او اسلاماباد ترمنځ په سرحدي او سیاسي مسایلو کې لفظي شخړې زیاتې شوي.
د طالبانو حکومت ټینګار کوي چې د سیمې امنیت د یو بل تورنولو په ځای په ريښتینې همکارۍ کې دی نه په بېځایه تورونو کې.