تاند ( شنبه د سلواغې ـ دلوې ۲۵مه) د ۲۰۲۶ م کال د کرکټ شل اوریز نړیوال جام سیالیو په لړ کې نن شنبه ایرلنډ ، عمان ته ددې جام د تاریخ تر ټولو دوهم ستر هدف ورکړ.
دغه هدف په ۲۰ اورو کې ۲۳۶ منډې وې.
ایرلنډ لومړی توپوهنه وکړه او په ټاکلو شلو اورونو کې یې د ۵ لوبغاړو په زیان سیالې لوبډلې ته د ۲۳۶ منډو ستر هدف ورکړ.
د ایرلنډ لوبډلمشر لورکان ټکر د عمان پر وړاندې ۹۴ ناسوځېدلې منډې جوړې کړې.
عمان بیا د ټولو لوبغاړو په زیان یوازې ۱۳۹ منډې وکړې او لوبه یې د ۹۶ منډو په توپير ایرلنډ ته وبایلله.
د شل اوره کرکټ نړیوالو جامونو لومړنی ستر هدف بیا سرېلانکا، کینیا ته ټاکلی وو چې، ۲۶۱ منډې وې.
په روان شل اوریز نړیوال جام کې نن شنبه دغه راز بیا د سکاټلنډ او انګلنډ ترمنځ لوبه روانه ده او بله لوبه بیا د نیوزلنډ او جنوبي افریقا د لوبډلو ترمنځ ترسره کېږي.