تاند ( سه شنبه د سلواغې ـ دلوې ۲۱مه) د شل اوریز نړیوال جام سیالیو په لړ کې، سبا چهارشنبه افغان کرکټ ملي لوبډله د جنوبي افریقا لوبډلې پر وړاندې د سیالۍ ډګر ته ښکته کېږي.
دا د افغان ملي لوبډلې دوهمه لوبه ده.
دا لوبه سبا د چهارشنبې په ورځ سهار په ۱۰:۳۰ بجو د هند د ګجرات ایالت په احمد آباد ښار کې د نریندرا مودي په لوبغالي کې پیلیږي.
افغان لوبډلې تر دې وړاندې خپله لومړۍ لوبه نیوزیلنډ ته بایللې ده.
په دې نړیوال جام کې د دې لوبې ګټل د افغان ملي لوبډلې د مختګ لپاره ډېره اړینه بلل کېږي، ځکه تر دې وروسته دوه نورې سیالې لوبډلې تر لومړنیو یو څه اسانه دي.
اوس مهال د نمیبیا او نیدرلنډ ترمنځ لوبه روانه ده.