تاند ( دوشنبه د سلواغې ـ دلوې ۶مه) د رسنیو د راپورونو له مخې د سرو زرو بیه نن دوشنبه د ریکارډ په کچه لوړه شوې ده.
د مالوماتو له مخې هر اونس چې وزن یې شاوخوا ۳۱ ګرامه کیږي بیه یې ۵ زره ۸۱ ډالرو ته لوړه شوې.
د رویټرز خبري اژانس په یوه راپور کې لیکلي چې، د دغه فلز ارزښت په ۲۰۲۵ کال کې د بازار تقاضا ته په کتو لوړه شوې ده.
سرچینه لیکي: د امریکا په سیاستونو کې بدلون او د چین له لوري د طلا ټولول هغه لاملونه دي چې له امله یې د سرو زرو بیه لوړه شوې.
بل لورته اقتصادي کارپوهان وايي، د سرو زرو د بیې لوړېدل چې پر بازار مستقیم اغېز لري باید هېوادونه یې د مدیریت لپاره له اقتصادي فشارونو لاس په سر شي.
دوی په وروستيو میاشتو کې د سرو زرو د بیو د لوړېدو لوی لامل د امریکا له لوري د تعرفو کړکېچ په ګوته کوي.