تاند ( سه شنبه د مرغومي – جدي ۲۳مه) د ننګرهار ولایت د جلالاباد ښار دویمې ناحیې کې د لرګیو پلورنځیو په یوه ټالکې لویه اور لګېدلی.
د دغه اور له امله سیمه کې خلکو ته د میلیونونو افغانیو زیان اوښتی دی.
د ننګرهار د نجارانو ټولنې مسوولان وايي چې دغه اور لګېدنه د برېښنا شارټۍ له امله پېښه شوې چې، د لرګیو پلورنځیو ته یې سخت زیان اړولی.
ننګرهار ولایت رسنیو دفتر وایي، چې په دې ولایت کې د ننني اور لګېدنې د زیانونو په اړه کره معلومات نشته.
په دغه ولایت کې د اور وژنې ادارې ویلي چې، هڅه کوي اور مهار کړي څو د زیاتو زیانونو مخنیوی وشي.
دغه اور نن سهار شپږ بجې لګېدلی دی.