تاند ( یک شنبه د مرغومي ـ جدي ۲۱مه) د افغانستان د غالیو تولیدونکو او صادرونکو ټولنې تازه په یوه پيغام کې ویلي.چې، د هېواد د غالیو د یوه تولیدي شرکت غالۍ د ۱۹ هېوادونو لهمنځه لومړی مقام خپل کړی دی.
یادې ټولنې زیاته کړې چې، دغه مقام یې د استانبول په دوموتکس نړیوال نندارتون کې خپل کړی دی.
یادې ټولنې دا یوه ستره لاستهراوړنه بللې او زیاته کړې یې ده چې دا به په نړیوال بازار کې د افغاني غالیو ارزښت لا لوړ کړي.
د معلوماتو لهمخې دا دویم ځل دی چې د هېواد د غالیو تولیدونکي او صادرونکي شرکتونه د استانبول په دویم دوموتکس نړیوال نندارتون کې ګډون کوي.
دغه نندراتون د ترکیې په استانبول کې د جنورۍ په اتمه د دوو ورځو لپاره پرانیستل شوی و.
په دغه نندارتون کې له افغانستانه په کې هم شپږو شرکتونو ګډون کړی و.