تاند ( دوشنبه د مرغومي ـ جدي لومړۍ) نن دوشبنه د جدي لومړۍ نېټه د سرپل پهلوانان او بدخشان چپندازان د وزلوبې اووم پړاو سیالیو پایلوبه کې میدان ته ښکته شول.
د دواړو لوریو ترمنځ له یوې په زړه پورې سیالۍ وروسته د سرپل پهلوانان وتوانیدل چې، خپله سیاله لوبډله د ۷ او صفر په توپیر مات کړي.
دې پایلې سره د بدخشان لوبډلې د یادو سیالیو دویم مقام ترلاسه کړ.
د وزلوبې لیګ اووم پړاو سیالۍ اونۍ وړاندې د لسو لوبډلو په ګډون کابل کې پیل شوې وې.
وزلوبه چې د افغانستان ملي دودیزه لوبه ده چې، د هېواد په ګڼ شمیر په تیره بیا شمال کې زیات مینوال لري.