تاند (شنبه، د لړم/ عقرب/ ۳ مه) د افغانستان او پاکستان ترمنځ د خبرو دوهم پړاو د ترکيې په استانبول ښار کې پای ته ورسېد.
تمه کېده خبرې به درې ورځې نورې هم دوام وکړي. نن د دواړو هېوادونو د پلاویو ترمنځ د خبرو دوه جلا پړاوونه ترسره شول.
تر دې وړاندې د اکتوبر په ۱۹مه په دوحه کې د قطر او ترکیې په منځګړتوب د افغانستان او پاکستان ترمنځ د اوربند موافقه وشوه.
په استانبول کې د افغانستان په پلاوي کې د کورنیو چارو مرستیال رحمتالله نجیب، لومړی سیاسي رئیس نور احمد نور، د قطر لپاره د افغانستان سفیر سهیل شاهین، او د بهرنیو چارو وزارت ویاند عبدالقهار بلخي. د دوی ترڅنګ د دفاع وزارت یو استازی نور رحمان نصرت هم په خبرو کې حاضر و.
تراوسه پورې څرګنده نه ده چې د استانبول په خبرو کې څه پرمختګ شوی دی.
خو د دې خبرو په درشل کې، دفاع وزیر خواجه آصف خبرداری ورکړی چې که روانې خبرې مثبته نتیجه ورنهکړي، وضعیت کولای شي په پرانيستې جګړې بدل شي.
هغه د سیالکوټ په مراسمو کې د دولتي سردار بېګم تدریسي روغتون د بیا جوړونې د پرانستلو پر وخت رسنیو ته وویل چې د خبرو پایلې ژر څرګندېږي.
آصف وویل: «ما دوه ساعته وړاندې له افغان چارواکو سره ناسته درلوده. پایلې به تر سبا څرګندې وي.»
هغه د افغانستان د طالبانو چارواکو ته په خطاب کې وویل: «که مسایل هوار نهشي، جګړه به وي. اختیار زموږ په لاس کې دی؛ ستاسو اختیار براعلا (ښکاره) جګړه ده.»