تاند (پنجشنبه د تلې ـ میزان ۲۴مه) د کندهار د سپینبولدک ولسوالي په یو لړ هوايي او توپچي بریدونو کې لږترلږه ۴۰ کسان وژل شوي او ۱۷۰ نور ټپیان دي.
په وژل او ټپیانو کې ښځې او ماشومان هم شامل دي.
د سیمهییزو چارواکو په وینا، دا بریدونه د پاکستاني ځواکونو له لوري پرون چهارشنبه، تلې ۲۳مه شوي دي.
د سپینبولدک ولسوالي د روغتیا امر کریمالله ذبیر اغا رسنیو ته ویلي چې د ولسوالي روغتیايي مرکز ته د بریدونو له ځایه د ۱۷۰ ټپیان او ۴۰ مړي ور وړل شوي دي.
هغه زیاته کړه چې په مړوکې د ښځو او ماشومانو شمېر زیات دی.
په وروستیو ورځو کې د افغانستان او پاکستان ترمنځ پر ډیورنډ فرضي کرښه تاوتریخوالی زیات شوی او دواړه لوري یو پر بل پر سرغړونو تورونوي.
د سیمې اوسېدونکي د تاوتریخوالي د پای ته رسېدو او د ملکي تلفاتو د مخنیوي غوښتنه کوي.
اروپايي ټولنه: کابل او اسلام اباد دې ستونزې د خبرو له لارې حل کړي