تاند (جمعه د تلې ـ میزان ۱۸مه) د هند بهرنیو چارو وزیر جې شنکر نوي ډیلي کې د طالبانو د بهرنیو چارو له وزیر مولوي امیرخان متقي سره ناسته کې ویلي، هېواد یې افغانستان سره د اوبو مدیریت کې مرسته کوي.
جی شنکر په دې برخه کې د مرستې ډاډ ورکړی دی.
یاد هندي چارواکي په دې تړاو نننۍ ناسته کې وویل، «د افغانستان اوبو مدیریت برخه کې د دوی مرستو په تړاو به جزیات وروسته شریک کړي.»
د طالبانو د حکومت چارواکو په وار وار د کونړ پر سیند د برېښنا بند د جوړېدو په تړاو څرګندونې کړي هغه څه چې افغانان یې تر ټولو مهمه پروژه بولي.
هندي چارواکي په دې ناسته کې د نورو ژمنو ترڅنګ په روغتیايي او نورو برخو کې د همکارۍ ډاډ ورکړی.
دوی زیاته کړې، چې له افغانانو سره ښه اړیکو ته په کتو به هند د ترهګرۍ په واړندې له افغانستان سره ګډې مبارزې ته دوام ورکړي.