تاند (پنجشنبه د تلې ـ میزان ۱۷مه) د طالبانو د صنعت او سوداګرۍ وزارت خبر ورکړی، چې نورالدین عزیزي د ازادو زونونو نړیوال سازمان ۱۵مه نړیواله غونډه کې د ګډون په موخه چین ته تللی.
د یاد وزارت په خبرپاڼه کې راغلي، دغه ناسته«نړیوالې سوکالۍ، سوداګرۍ او دوامداره نوښت لپاره دروازې» تر شعار لاندې ترسره کېږي.
خبرپانه کاږي چې، دغه غونډه د روان اکتوبر له ۱۰مې تر ۱۲مې د چین هاینان ولایت کې ترسره کیږي.
د سرچینې د مالوماتو پر اساس یاده ناسته نړیوالې سوداګرۍ وده کې د ازادو زونونو څېړل، د اقتصادي همکاریو پراختیا، د تجربو شریکول او د هېوادونو ترمنځ د اړیکو ټینګښت په موخه رابلل شوې.
د طالبانو صنعت او سوداګرۍ وزارت زیاته کړې، چې عزیزي به د دغې ناستې په څنډه کې د ګډون کوونکو هېوادنو له شمېر وزیرانو او استازو سره لیدنې کتنې هم ولري.