تاند (چهارشنبه، د تلې/ میزان ۱۶مه) په کابل، غزني، جلال اباد او څو نورو ښارونو کې ګڼو کسانو نن تاند ته وویل چې له تېرې شپې راهیسي فیسبوک، انسټاګرام او نورې خواله رسنۍ نه شي لیدلی.
ځینې وايي چې په فیسبوک کې متن ویني خو ویدیو او عکس نه شي لیدلی.
ځینو نورو ویلي چې له وټس اپ پرته ټولې خواله رسنۍ یوازې په وي پي این کار کوي.
د دوی په باور طالبانو خواله رسنۍ منع کړي دي.
د طالبانو حکومت تر اوسه د ټولنیزو شبکو د بندېدو یا محدودېدو په اړه رسماً څه نه دي ویلي.
دا کار وروسته له هغه کېږي چې د کابو دوو اوونیو لپاره په ټول افغانستان کې انترنیټي خدمات پرچاو شوي وو.
په عین حال کې په کندهار او کندوز ولایتونو کې پرون تر ډېرو پورې انترنیټ نه و.