تاند (چهارشنبه د تلې ـ میزان ۱۶مه) نړیوال بانک په خپل تازه راپور کې ویلي چې، په منځني ختیځ، شمالي افریقا، افغانستان او پاکستان کې د اقتصادي ودې امکانات ښه شوي، خو زیاتوي جګړه، بې ثباتي او بې ځایه کېدل لا هم د اقتصادي ودې پر وړاندې جدي ننګونې دي.
راپور وایي، تمه ده چې سیمهییز ناخالص تولید په ۲۰۲۵ کې ۲.۸ سلنه او په ۲۰۲۶ کې ۳.۳ سلنه لوړ شي.
د راپور له مخې، د افغانستان په ګډون د سیمې هېوادونه هغه وخت د اقتصادي ثبات تجربه کولی شي چې کاري فرصتونه زیات شي او له کاري ځواک بشپړه ګټه واخیستل شي.
د نړیوال بانک په راپور کې زیاته شوې چې، د ښځو د ټيټې ونډې دوام د افغانستان او سیمې د پرمختګ پر وړاندې لوی خنډ ګڼل شوی دی.
دا راپور داسې مهال خپرېږي چې شاوخوا څلور کاله کېږي چې طالبانو افغان ښځې د تعلیم او کار له برخې منع کړي دي.