تاند (یکشنبه، د وږي/ سنبلې ۱۶ مه) د افغانستان، پاکستان او متحده عربي اماراتو د کرکټ د شل اوره سیالیو پایلوبه پاکستان په لوړ توپیر وګټله.
پاکستان، چې د پایلوبې پچه ګټلې وه، په ټاکلو ۲۰ اورونو کې د ۸ لوبغاړو د بایللو په پای کې افغانستان ته د ۱۴۲ منډو هدف وټاکه چې ظاهراً کم و خو افغان لوبغاړو د توقع خلاف ویکټونه یو په بل پسې وبایلل او تقریباً هیڅ توپ ویشتونکي د پام وړ منډې ونه کړای شوې. له همدې کبله پاکستان دا سیالي په خورا لوړ توپیر یعني په ۷۵ منډو وګټله.
د پاکستان لپاره تر ټولو ښه باولینګ یا توپ اچونه محمد نواز وکړه چې ۵ افغان لوبغاړي یې وسوځول.
د افغانستان لپاره تر ټولو ډېرې منډې کپتا راشد خان وکړې. ده په ۱۸ توپونو ۱۷ منډې وکړې.
راشدخان په توپ اچونه یا یاولینګ کې هم ښه وځلېد. ۳ لوبغاړي یې وسوځول. نور احمد او فاروقي دوه – دوه او غضنفر یو ویکټ واخیست.