تاند (پنجشنبه د وږي ـ سنبلې ۱۳مه) افغاني سرې میاشتې ټولنې ویلي، سعودي عربستان زلزله ځپلو سره ۲۱۰ټنه خوراکي توکي مرسته کړې.
یادې ټولنې ویلي، دغه مرستې کابل کې د سعودي عربستان سفیر فیصل بن طلق البقمي افغاني سرې میاشتې ټولنې ته سپارلې دي.
د پاکستان لومړي وزیر مرستیال او بهرنیو چارو وزیر اسحاق ډار هم ویلي، چې د افغانستان ختیځ کې زلزله ځپلو سره یې ۱۰۵ ټنه مرستې اړین خوراکي توکي، درمل، خیمې او کمپلې پکې شاملې دي افغانستان ته استولې دي.
تیره ورځ ناوخته کابل کې د ترکیې سفارت هم اعلان وکړ چې ۲۵ ټنه خوراکي او نور اړین توکي یې د زلزله ځپلو لپاره کونړ ته لیږلي دي.
د اروپايي ټولنې له ډلې ایرلنډ بیا ۵۰۰ زره یورو مرستې اعلان کړی دی.
د مالوماتو له مخې د یادونې ده، چې د هېواد ختیځو ولایتونو کې وروستۍ زلزې درانه ځاني او مالي زیانونه اړولي.
تر دې دمه د ۱۴۵۷ تنو د مړینې او تر ۳۵۰۰ د پورته ټپیانو منښته شوې، خو تازه د طالبانو د حکومت مرستیال ویاند ویلي، چې د مړو شمېر لوړ شوی، او وروسته به یې رسنیو سره شریک کړي.