تاند (پنحشنبه، د زمري/ اسد ۳۰ مه) چین له طالبانو غواړي چې د ترهګرۍ پر ضد په مبارزه کې مرسته وکړي او د افغانستان پر پوله دې ګډې ګزمې پیل شي.
د سوت چاینا مارنینګ پوسټ ورځپاڼې د راپور له مخې، د بهرنیو چارو وزیر وانګ یي د کابل د سفر په ترڅ کې د چین پر امنیتي اندېښنو ټینګار وکړ او خپله ځانګړې پاملرنه یې واخان دهلېز ته واړوله چې له شینجیانګ سره ګډه پوله لري.
چین د ایغور بېلتون غوښتونکو له درکه اندېښنه لري. ویل کېږي چې یو شمېر ایغوران، چې پخوا په وزیرستان کې دېره وو، اوس په افغانستان کې مېشت دي.
چین له افغانستان سره د ترهګرۍ ضد د لا پراخې همکارۍ غوښتنه کړې ده، چې په کې د واخان دهلېز په اوږدو کې د ګډو ګزمو ترسره کول شامل دي. دا سیمه د دواړو هېوادونو ترمنځ یوازینۍ ګډه پوله جوړوي.
وانګ یي د افغانستان د کورنیو چارو له سرپرست وزیر، سراجالدین حقاني، سره د کتنې پر مهال وویل:
«چین په واخان دهلېز کې د دوهاړخیزو ګزمو د ژر بیا پيل ملاتړ کوي تر څو د سرحدي سیمې سوله او ثبات وساتل شي.»
له بلې خوا د چین د بهرنیو چارو وزارت کابل ته ددغه هېواد د بهرنیو چارو وزیر د سفر په تړاو په یوه خبرپاڼه کې ویلي، چې وانګ یي د طالبانو له رییس الوزرا مولوي محمد حسن اخوند سره په ناسته کې نوموړي ته د ختیځ ترکستان اسلامي غورځنګ (ETIM) یادونه کړې.
موږ فکر کاو چی دا د واخان واخان دهلیز اوازی د تجارت د رونق لپاره دی؟ دا خو زیر پلو ملی برامد. دا د واخان دهلیز خو د تروریزم سره تړاو وموند او خدای دی خیر کوی چی قوشتیپی څخه به څه جوړ شی. چی اصولی او مشروع حکومت ونلری، خلک به د تجارت، تعلیم او ملی تولید او رفاه په ځای د ګزمی او د تروریستانو د تسلیمولوغوښتنه درڅخه کوی د ولس د هوساینی کیسه کی دی څوک ندی