تاند『پنجشنبه د زمري ـ اسد ۹مه』امو نهنګانو د لسم پړاو شپږیزه کرکټ لیګ اتلولي خپله کړه.
د لسم پړاو شپږیزه کرکټ لیګ پایلوبه د مس عینک اتلان لوبډلې او امو نهنګانو ترمنځ ترسره شوه.
مس عینګ اتلانو لومړی توپوهنه وکړه او امو نهنګانو ته یې د ۱۲۲ منډو هدف وټاکه.
د اتلانو لپاره رحمن الله ګربز ۴۸ منډې جوړې کړې خو د امو نهنګانو په ګټه عظمت الله عمرزي بهترینه توپ اچونه وکړه او ۴ ویکټې یې ترلاسه کړې.
د نوموړي ترڅنګ عبدالله احمدزي هم غوره توپ اچونه وکړه او د ۲۱ منډو په بدل کې یې ۳ ویکټې ترلاسه کړې.
امو لوبډلې په اسانۍ هدف پوره او د ۸ ویکټو په توپیر یې مس عینک ته ماتې ورکړه.
حسن عیسی خیل د خپلې لوبډلې په کټه په ۳۴ توپونو نېمه سلیزه بشپړه کړه.
دا پرلپسې دوهم ځل شو چې امو د دې سیالیو اتلولي خپلوي.