بلی؛ افغان هلکان او نجونی حق لری چي علم حاصل او تر تخصص پوری مخکی لاړ شی او په ټولو علومو کی موږ باید تحقیقاتی مراکز ولرو، او د ټولو نړیوالو علمی مراکزو سره رابطه او په فراخه پیمانه په ټولو علومو کی ژباړی او تالیفاتو ته پاملرنه د حکومتونو د اهمو مسئولیتونو او دندو کی ځای لری او امت مسلمه خپل طلایی دور کی دی واجباتو ته پوره پاملرنه درلوده او علمی نړیوال قیادت شرف او عزت یی هم تر لاسه کړی وو ، او نړیوالو د علومو د زده کړی او تداوی لپاره اسلامی مراکزو ته مراجعه کوله.
نو د تعلیم حق د ټولو لپاره یو شان اداء او ورکول د حکومت دنده ده ،ښه استعدادونه ،ملی او حتی بشری قیمتی سرمایه ده ،ساتنه او روزنه یی ډیره امانتداری ،اخلاص او پوره جدی اهتمام غواړی.
د لوړو تحصیلاتو چانس او برسونه نباید نازولو او مفتخوارو باندی ضایع او برباد شی ،یا یواځی پر شخصی روابطو پوری وتړل شی ،مع الاسف د اتحاد هفتګانه د دور د تعلیم او تربیی د ریاست یوه بده خاطره را په یاد شوه چي ننۍ بد بختی او کړاوونه ورسره تړاو لری نو ځکه یی رایادوم :
په هغه وخت کی د کمیټی رئیس مولوی سید اکبر وو ،اسلامی جامعاتو په ډیر اخلاص په سوونو بورسونه اتحاد ته راولیږل ،من باب تشویق.
متأسفانه دی کمیټې د تنظمی اختلاف ،بی کفایتی او تنظیمی انحصاراتو په وجه ونشوی کولی په وخت محصلین آماده کړی او په سوونو برسونه وسوځیدل ؛ځکه هر یوه غوښتل ،خپل نازولی او مفتخواره ولیږی.
خلاصه که موږ د جهاد له دور نه دا انحرف سم کړی وی او تر ننه یی دوام درلودی ،نن به نه د قیادت تشه وه او نه د تخصص ،او په ټولو شعباتو د علوم نافعه کی،او مجاهد غوندی له تاریخ او علومو بی خبره چي ځان نه پیژنی ،دا د شرم او جهالت سمبول وایی :موږ شرعی حل پیدا کوو؛یعنی څه؟ تر اوسه تقریبا ۱۵ پیړیو کی څوک نه وو ،اوس بعد له څلورو کلو یی دوی حلوی!!!!!!
دا خبره او فیصله نه انسانی ده ،نه افغانی او اسلامی خو هیڅکله نده او که صادق یاست راوغواړی علمای جهان اسلام ؛چي ثابته شی :هل هذا هو الاسلام؟ ابدا نه.
نو د کرزی صاحب دا غوښتنه د ټول ملت،امت او بشریت ده ماعدا ۱٪ طالبان .