تاند (یکشنبه، د چنګاښ/ سرطان ۸ مه) هند په شمالي وزیرستان کې د پاکستان پر پوځیانو په ځانمرګي برید کې د لاس لرلو په اړه د پاکستان تور په کلکه رد کړ.
د شنبې په ورځ (د چنګاښ ۷ مه) په برید کې، چې د شمالي وزیرستان د میرعلي ولسوالي په خدي کلي کې د پوځ پر یوه موټر وشو، د وروستیو راپورونو له مخې لږترلږه ۱۶ پوځیان وژل شوي دي.
د پاکستان پوځ په پیل کې د خپلو ۸ پوړځیانو وژل کېدا تایید کړې ړهؤ وروسته یې د ۱۳ تنو وژل کېدا ومنله خو وروستي راپورونه ښيي چې لږترلږه ۱۶ پوځیان وژل شوي دي.
له دې پېښې وروسته د پاکستان پوځ هند په دې پېښه کې په لاس لرلو تورن کړ او ویې ویل چې نوی ډیلی د پاکستان د وسله والو مخالفانو ملاتړ کوي.
خو د هند د بهرنیو چارو وزارت دا تور وغانده او ویې ویل: “موږ د پاکستاني پوځ رسمي بیان لیدلی چې غواړي د جون په ۲۸ نېټه د وزیرستان د برید مسوولیت پر هند واچوي. موږ دا بیان په کلکه ردوو.