تاند「سې شنبه د چنګاښ ـ سرطان ۳مه」د اسراییلو او ایران ترمنځ د جګړې په دولسمه ورځ اسراییلو رسما اوربند اعلان کړ.
د اسراییل لومړي وزیر، بنیامین نتانیاهو وايي، د ولسمشر ټرمپ له خوا وړاندیز شوي د اوربند هوکړې سره یې موافقه کړې ده.
نتانیاهو وايي، دوی په ایران کې خپلو موخو ته رسېدلي او د پیل کړې جګړې هدف چې د ایران اټومي تاسیسات او توغندیز ګواښ و، له منځه ولاړ.
ایران تر اوسه د ټرمپ له لوري د وړاندیز شوي اوربند په اړه څه نه دي ویلي، خو له دې مخکې یې خارجه وزیر ټنیګار کړی و چې که اسراییل برید بس نه کړي، دوی جنګېږي.
دا اوربند څو ساعتونه وړاندې د متحده ایالاتو ولسمشر ټرمپ هغه وخت اعلان کړ، چې ایران په عراق او قطر کې د امریکا دوه مهمې پوځي هوايي اډې په نښه کړې.
له دې وړاندې د اسراییل – ایران جګړې په ترڅ کې، ولسمشر ټرمپ وویل، چې په بریالیو عملیاتو سره یې د ایران درې اټومي تاسیسات چې فُردو، نطنز او اصفهان دي، له منځه یوړل.
ایران تازه په دې تړاو څه نه دي ویلي، خو تر دې وړاندې د ايران بهرنيو چارو وزير، سيد عباس عراقچي د امريکا د ولسمشر هغه ادعا رد کړه، چې ګواکې ايران او اسراییل د اوربند پر سر هوکړه کړې ده.
عراقچي پر اېکس ليکلي: «تر دې دمه، د اوربند يا د نظامي عملياتو د درېدو په اړه هیڅ هوکړه نه ده شوې.»
هغه زياته کړې که اسراييل تر نن (سې شنبې) سهار څلورو بجو پورې د تهران پر وخت خپل يرغلګر بریدونه بند نه کړي، ايران به خپل نظامي غبرګون ته دوام ورکړي.
اوس وبه لیدل شي چې ایران اوربند مني که نه.
سلامونه،
دا لکه د افغانستان د آزادۍ غزاء چې امان الله خان او افغانانو ګټلې وه مګر،مکار انګریز د اوربند پیشنهاد وکړ؛
اوس ایران باید اوربند ونه منی! ځکه امریکا او اسراییل وارخطا دي
بل ،که ایران رښتیا د قدس، فلسطین او غزې ….د استقلالولو هوډ او دعوا لري ؛ اوس ېې اسراییل له خوګې ګوتې نیولی +که د اسلامی ملکونو کنفرانس استانبول کې یوه خوله نتیجه ورکړي ؛ان شآءالله د دې کنسری دانې ایسته اچولو ټایم راغلی
د دا بلې سرطاني مردارستان اجل به د بلوچ او پښتونخوا خیبریانو په لاس وي انِ شآء الله ج.