تاند【چهارشنبه د حمل ـ وري ۶مه】د طالبانو د حکومت د بهرنیو چارو سرپرست وزیر امیرخان متقي په افغانستان کې د یوناما مشرې روزا اوتونبایوا سره لیدنه کې پر یو شمېر موضوعاتو خبرې کړي.
یاد وزارت په يوه خبرپاڼه کې ویلي، چې په دې لیدنه کې د یوناما مشرې په ملګرو ملتونو کې د خپلې وروستۍ وینا، یوناما ماموریت تمدید او نورو موضوعاتو په اړه له متقي سره معلومات شریک کړل.
سرچینې د روزا اوتونبایوا له قوله ویلي، چې ملګري ملتونه هڅه کوي په افغانستان کې د خصوصي سکټور پیاوړتیا او بانکي ستونزو د حل لپاره ګامونه واخلي.
که څه هم د یوناما مشرې د ملګرو ملتونو د روانو هڅو په اړه معلومات ورکړي، خو د طالبانو بهرنیو چارو وزیر امیر خان متقي ټينګار کړی، چې د دوی لیدلوري ته په پام به ملګرو ملتونو سره هر ډول همکاري وکړي.
ملګرو ملتونو او په افغانستان کې د یوناما دفتر تر اوسه د یادې لیدنې او د هېواد پر بانکي سیستم د بندیزونو نرمولو د هڅو په تړاو څه نه دي ویلي.
روزا اوتونبایوا کابل ته دا سفر وروسته له هغې کوي، چې نوموړې په ملګرو ملتونو کې د افغانستان په اړه خپله وینا کې د طالبانو سیاستونه په ځانګړې توګه د افغان ښځو پر وړاندې ځپونکي بللي وو.
پر افغان ښځو یی تعلیم او تحصیل بند کړی خو خپله د خنځیر ځامن بیا له کافرو ښځو سره ناسته ولاړه کوی ـ
ټالب خپله نه غواړي ، چې په اوسنۍ خاورینه نړۍ کې ژوند وکړي . دوی ځانونه په ژوندینې مړه بولې . اسلام یو ټولنیز ، سوله ایز او انساني دین دی ، له ګاونډیانو او نړیوالو سره دوستانه او د سولې ژوند غواړي . ترڅو پر مونږ ظلم او تعرض نه وي شوي ، باید نور څوک دشمن ونه ګڼل شي .
اما ټالب بیا له ځانه هم مرور دی ، هېوادوالو او نړیوالو سره خو یې بېخي جوړه نه ده .
له ملګرو ملتونو مرسته او په رسمیت پېژندل غواړي ، خو اصول او مکلفیتونه یې نه مني . که ټالب نړیوال منل شوي اصول ومنل ، پر سبا یې ګاونډیان او نړیوال د دوی حاکمیت په رسمیت پېژني او افغانستان به له انزوا او ستونزو ووځي .