تاند ( شنبه د مرغومي ـ جدي ۲۲مه) د پاکستان صدر اعظم شهبازشریف، د اسلامي همکاریو سازمان له سرمنشي،حسین ابراهیم طه سره لیدلي او د افغانستان په اړه یې سره خبرې کړې دي.
دا لیدنه داسې مهال ترسره کېږي، چې ټاکل شوې په اسلام اباد کې د نجونو په اړه د اسلامي همکاریو سازمان دوه ورځنۍ ناسته نن شنبه پیل شي.
شهباز شریف دغه راز د اسلامي همکاریو د همبستګۍ سازمان له سرمنشي سره هم لیدلي.
د پاکستان د حکومت د خبرپاڼې پر بنسټ، دواړو لورو ویلي، چې په اسلام اباد کې د نجونو د تعلیم په اړه کنفرانس به د نجونو د تعلیم د ودې لپاره د اسلامي نړۍ د ژمنو په اړه قوي نړیوال پیغام واستوي.
دې ناسته کې د طالبانو د حکومت استازی هم ور بلل شوی دی.
دا ناسته داسې مهال ترسره چې په ۲۰۲۱ کاله اګسټ نیمایي، افغانستان کې د طالبانو له بیا حاکمېدو تر دې دمه په دې هېواد کې د نجونو پر مخ د زده کړو او کار دروازې تړلې دي.
بل لورته زلمي خلیلزاد هم وایي، چې په اسلام اباد کې د اسلامي همکاریو سازمان ناسته تبلیغاتي بڼه لري.