تاند ( چهارشنبه د مرغومي ـ جدي ۱۲مه) د طالبانو د حکومت د اوبو او انرژۍ وزارت نن چهارشنبه د یوې خبر پاڼې په خپرولو سره ویلي،چې د دغه وزارت په مالي لګښت په پنجشېر ولایت کې د ۲۰ میلیونه افغانیو په لګښت څلور سترې پروژې ګتنې ته وسپارل شوې.
یاد وزارت زیاتوي،چې دغه پروژې د پنجشېر ولایت په شتل، رخه او دره ولسوالیو کې بشپړې شوې، چې پکې استنادي دېوالونه او ځېنې نورې پروژې شاملې وې.
سرچینه زیاتوي،چې په یادو پروژو ۲۰ میلیونه ۴۴۸ زره افغانۍ لګښت راغلی دی.
د سرچینې په وینا د دغو پروژو د کار پر مهال لسګونه کسانو ته د کار زمینه برابره شوې وه، چې له بشپړېدو سره یې سلګونه هکتاره کرنیزه ځمکه د سېلابونو له ګواښ خوندي شوه.