تاند ( جمعه د لیندۍ/ قوس ۳۰مه) پروان ولایت کې د طالبانو د امنیه قومندانۍ ویاند فضل الرحیم مسکینیار وایي، چې دا پېښه تېره شپه ناوخته رامنځته شوې ده.
مسکین یار وایي په دې پېښه کې د موټر چلوونکي په ګډون دوه تنه مړه شوي او ۳ نور ژوبل دي.
نوموړی وایي د دې پېښې ژوبل کسان روغتون ته لېږدول شوي دي.
د یادونې ده، چې وړمه شپه د کابل ـ کندهار پر لویه لار په غزني کې د ترافیکي پېښو له امله ۵۰ تنه مړه او ۷۰ تنه ژوبل کړل.
د غزني د ترافیکي پېښو له امله د دوه ترانسپورتي شرکتونو فعالیتونه وځنډول شو.
د ټرانسپورټ او هوايي چلند وزارت وایي، چې هڅه کوي له اړونده ارګانونو سره په تفاهم لاډېر کار وکړي،څو د داسې پېښو د مخنيوي په اړه لازم اقدامات تر سره کړي.