تاند (یکشنبه د لیندۍ/ قوس ۲۵مه) په سمنګان کې د یوه کان د ښوېیدنې له کبله ۳۵ کارګر په کان کې بند پاتې دي.
سمنګان کې د طالبانو د امنیه قومندانۍ مسئولین وایي، چې په سیمه کې د ژغورنې عملیات په چټکۍ سره دوام لري.
دغه پېښه تېره شپه د دره صوف پایین ولسوالۍ سفیدخاک ګلوله کلي کې رامنځته شوې ده.
د سمنګان ولایتي روغتون امر سیدعثمان حمیدي بیا ویلي، چې کان کې د بند پاتې کارګرو د ژغورني عملیات دوام لري او سیمې ته یې روغتیايي ټېمونه او امبولانسونه هم استولي دي.
په کان کې د بند پاتې کارګرو د برخلیک په اړه لا معلومات نشته دي.