تاند (دوشنبه، د عقرب ۷ مه) د جوزجان ولایت په یوه خصوصي روغتون کې یوې ښځې شپږ ماشومان زېږولي دي.
دا ماشومان، چې څلور نجونې او دوه هلکان دي، د عقرب په شپږمه (د یکشنبې په ورځ) د شبرغان په شکران خصوصي روغتون کې زېږېدلي دي.
د روغتون رییس کاظم صدیقي ځايي رسنیو ته وویل چې هم د مور او هم د ماشومانو روغتیايي وضعت ښه دی.
د روغتون ډاکټرانو هم د ماشومانو روغتیا د قناعت وړ بللې دی.
تر دې وړاندې د ۲۰۲۱ د نوومبر په وروستیو کې د پکتیکا ولایت په زېړوک ولسوالۍ کې یوې ښځې ۶ ماشومان زېږولي وو.