تاند (دوشنبه د عقرب ۷مه) د ایران مذهبي مشر ایت الله علي خامنه يي خبرداری ورکړی چې پر هېواد یې د اسراییلو د برید په اړه دې نه “مبالغه” کېږي او نه دې د “برید اغېز کم” ښودل شي.
اسراییلو د اکتوبر پر ۲۶مه پر ایران ځوابي هوايي برید وکړ.
د ایراني چارواکو په وینا پکې دوه سرتېري وژل شوي دي.
خامنه يي د اسرائیلو په برید کې د وژل شویو سرتېرو کورنیو ته په وویل چې اسراییلو د هغو بریدونو په کولو “ناسم اټکل” کړی دی.
نوموړي د ایران پر حکومت غږ کړی، چې د ایران پر وړتیا پوه شي او د اسراییلو بریدونو ته “پوره ځواب” ووايي.
په ورته مهال تهران له (سوېس) څخه غوښتي چې په دې اړه د ملګرو ملتونو د امنیت شورا غونډه ور وغواړي.
اسراییلو د تمې برعکس، په هوايي بریدونو کې د ایران اټومي تاسیسات یا د تېلو مرکزونه نه دي په نخښه کړي.