تاند (یکشنبه، د عقرب ۶ مه) د اسیا د فوټبال تر اوولس کلونو د کشرو لوبډلو په سیالیو کې د افغانستان لوبډلې بنګله دېش ته ماته ورکړه.
په دې سیالۍ کې چې نن یکشنبه ماسپښین وشوه، افغان لوبغاړو ۳ ګولونه ووهل خو بنګالي لوبغاړو یې په وړاندې دوه ګولونه ووهل.
دې بري د افغانستان لوبډله د خپل (بي) ګروپ د جدول سر ته وخېژوله.
د افغانستان د فوټبال تر اوولس کلونو کشرې لوبډلې په روانو سیالیو کې فلیپین، مکاو او کمبودیا ته هم ماته ورکړې ده.
دا سیالۍ د اسیا د فوټبال د اوولس کلونو د ۲۰۲۵ جام لپاره کېږي چې ټاکل شوې ده د اپریل له درېیمې تر ۲۰ پورې د ۱۶ لوبډلو ترمنځ وشي.