تاند ( سې شنبه د میزان ۲۴مه) د شانګهای همکارۍ سازمان نړیواله غونډه د اکتوبر ۱۵مه په اسلاماباد کې پیل شوه.
د چین وزیراعظم په دې غونډه کې د ګډون لپاره اسلاماباد ته رسېدلی او د اکتوبر په ۱۴مه یې په اسلاماباد کې د ګوادر هوایي اډې پرانیسته وکړه.
چین په ګوادر کې لویه پانګونه کړې، خو په پاکستان کې پر چینایانو وروستي بریدونه د دې لامل شوي،چې د ګوادر پر ځای له اسلاماباد څخه د هوایي اډې پرانیسته وشوه.
د دې غونډې لپاره په اسلاماباد کې سخت امنیتي تدابیر نیول شوي دي.
ياده غونډه کې د امریکا د پخواني متحد چین په ګډون د ۷ هېوادونو صدراعظمانو او د هند د بهرنیو چارو وزیر برخه اخیستې.
دوی د سیمې پر امنیتي او سیاسي مسئلو او دغه راز سیمهییزو همکاریو، سوداګرۍ او د شانګهای سازمان د غړو پر یووالي خبرې کوي.
غونډه داسې مهال پيل شوې چې، پرون دوشنبه په بنو کې د وسلهوالو مخالفینو په برید کې ۴ پولیس او ۵ برید کوونکي وژل شوي دي.
د بنو د برید مسوولیت پاکستاني طالبانو اخیستی دی.