تاند ( یکشنبه د میزان ۱۵مه) د کډوالۍ نړیوال سازمان ( IOM ) په خپل میاشتني راپور کې ویلي چې په تېره یوه میاشت کې له ایران څخه نږدې ۲۴۰ زره افغانان ایستل شوي دي.
سرچینه وایي د مالو ماتو له مخې په یاده شمېره کې شاوخوا ۴۳ سلنه د ایران حکومت له لوري په زور ایستلي او پاتې نور په خپله خوښه هېواد ته راستانه شوي دي.
د راپور پر بنسټ، دا شمېر په روان کال کې له ایرانه د راستنو شویو کډوالو تر ټولو لوړ شمېر دی.
ایران او پاکستان د افغانستان دوه هغه ګاونډي هیوادونه دي، چې افغان کډوال تل پکې له ناوړه اقتصادي او ټولنیزو ستونزو شکایت کوي.
دا راپور داسې مهال خپرېږي، چې څو ورځې وړاندې د ایران د کورنیو چارو وزیر له خبریالانو سره په خبرو کې ویلي وو چې، هېواد یې نور د افغانانو د منلو ظرفیت نهلري.
د ایران د کورنیو چارو وزیر ټینګار کړی و، چې د ناقانونه کډوالو ایستل د دغه هېواد له لومړیتوبونو څخه دي.