تاند – د یوې نوې څیړنې پر اساس، په ۲۰۲۳ کې د نړۍ له درېیمې برخې څخه ډیرو ماشومانو د لیري نظر کمزوری وو، او دا اندازه به تر ۲۰۵۰ پورې کابو ۴۰ سلنې ته ورسیږي.
مایوپیا هغو حالتونو ته ویل کېږي چې نژدې شیان د یو چا سترګو ته روښانه ښکاري، مګر لیرې شیان تت ښکاري.
د څیړنې د پایلو له مخې، چې د سې شنبې په ورځ، د سپتمبر په ۲۴، د بریتانیا د سترګو ناروغۍ ژورنال کې خپره شوې، په تیرو ۳۰ کلونو کې د ماشومانو او ځوانانو په منځ کې د مایوپیا په خپریدو کې د پام وړ زیاتوالی راغلی دی.
په ۱۹۹۰ کې دا شمېر ۲۴ سلنه و خو په ۲۰۲۳ کې ۳۶ سلنې ته لوړ شوی دی.
د چین په ګوانګجو ښار کې د سن یاتشینګ پوهنتون څېړونکو د شپږو براعظمونو په ۵۰ هېوادونو کې له ۵.۴ میلیونو څخه زیاتو ماشومانو او ځوانانو د ۲۷۶ څېړنو پایلې تحلیل کړي دي.
دا ستونزه په جاپان، جنوبي کوریا، سینګاپور او چین کې لا زیاته ده. په جاپان کې د ۸۶ سلنه او په جنوبي کوریا کې د ۷ سلنه ماشومانو د لیري نظر کمزوری دی.