تاند ( جمعه ـ د میزان ۶مه) د پاکستان په خیبر پښتونخوا ایالت کې د پولیسو په یوه مرکز کې چاودنه شوې چې له امله یې شاوخوا ۱۵ پولیس ټپیان شوي دي.
د پولیسو یوه افسر ازادي رادیو ته ویلي، چې چاودنه پنجشنبه ماښام د صوابۍ د پولیسو په سلاکوټ کې شوې ده.
یوه بل پولیس افسر بیا ویلي چې د ټپیانو شمیر ښایي تر ۳۰ لوړ وي.
تر دې دمه کومې ډلې د دې پېښې مسوولیت نه دی منلی.
د ۲۰۲۳م کال په اپرېل میاشت کې د خیبر پښتونخوا ایالت په سوات سیمه کې د ترهګرۍ ضد پولیسو په دفتر کې په دوو چاودنو کې ۱۷ تنه وژل شوي وو.
په دې وروستیو کې په پاکستان کې امنیتي وضعیت تر بل هر وخت ډېر خراب شوی او هره ورځ ترې د چاودنو راپورونه خپرېږي.