تاند (چهارشنبه، د سنبلې ۱۴ مه) د ایران د رضوي خراسنان ولایت یوه امنیتي چارواکي نن وویل، د دغه ولایت پوله ساتو د یوه افغان تبعه په موټر د سروزرو خښتې، چې وزن یې ۹ کیلوګرامه وو، موندلي دي.
د ایران د دولتي خبري اژانس ایرنا د راپور به مخې، د رضوي خراسان د سرحدی ځواکونو قوماندان وویل چې د افغانستان پولې ته څېرمه په تایباد کې ایراني پوله ساتو د موټر د تلاشۍ په ترڅ کې د سرزرو ۱۲ خښتې کشف کړې. د دغه قوماندان په وینا د دغو خښتو وزن ۹ کیلوګر او ۳۶۰ ګرامه دی.
د پولیسو دغه چارواکی ایرنا ته وویل، پوله ساتو چې د تایباد سرحدي ځواکونو په پوسته کې ایران ته د راتلونکو کسانو د تلاشي په مهال په یوه سپین واګون موټر کې، چې چلوونکی یې یو افغان و، دا سره زر وموندل.
هغه زیاته کړه چې موټر ضبط شوی او تورن قضایي چارواکو ته وسپارل شوی دی.
تایباد د مشهد د جنوب ختیځ په ۲۲۵ کیلومترۍ کې موقعیت لری.
د جهاد برکت ده هیواد ورته هیڅ ارزښت نه لري دغه حرامي جهادي نسل ته 😡😭