تاند (شنبه، د اسد ۲۷ مه) د متحده عربي اماراتو دولتمشر شیخ محمدبن زاید النهیان د خپل هیواد هغه روغتون ته لاړ چې د طالبانو د حکومت رييس الوزرا پکې بستر دی.
د طالبانو ريیس الوزرا ملامحمد حسن اخوند د درملنې لپاره متحده عربي اماراتو ته تللی دی.
ملاحسن اخوند د جمعې په ورځ ( د اسد ۲۶ مه) د متحده عربي اماراتو له دولتمشر سره په کتنه کې د متحده عربي اماراتو د سخاوتمندانه چلند ستاینه وکړه او ویې ویل چې متحده عربي اماراتو تل په خلاص لاس د پراختیايي پروژو او بیارغونې له لارې د افغانانو ملاتړ کړی دی.
طالبانو د ملاحسن د ناروغۍ په اړه څه نه دي ویلي. د اسد په ۲۴ مه د طالبانو د واک ته رسیدو د درېیمې کالیزې په مراسمو کې د ملاحسن پیغام د نوموړي د دفتر ريیس ولوست. ملاحسن ډېر لږ ږغېږي او ډېر لږ لیدل کېږي.
الله ج د صحت درکړي۔ الله ج د توفيق په برخه کړه چې افغانستان ورغوی او بيا هيڅ افغان بهر ته درملنی لپاره سفر ونکړي۔
ملا صاحب ته دې الله تعالی صحت او عقل دواړه ورکړي چې د خیره سره وطن ته راشي او مکتبونه ايله کړي. ملا صاب ان شاالله د سترګو مشکل نلري او اماراتو کې به یې خامخا پام شوي وي چې ښه ژوند، ترقي، سړيتوب او تعلیم د اسلام ضد نه دي.