تاند (جمعه، د اسد ۱۲ مه) د بلوچستان په ګوادر ښار کې د لسګونو زرو بلوڅانو پرلت له دې سره سره دوام لري چې پرون په ځینو راپورونو کې وویل شول چې د پرلت د تنظیموونکو او حکومت ترمنځ خبرې بریالۍ شوي دي.
د بلوڅو د یووالي کمېټه، چې په بلنه یې پرلته پیل شوی، وايي چې پرلت ته به دوام ورکړي.
دا پرلت پنځه ورځې پخوا پیل شو او د پاکستان امنیتي ځواکونو د هغه د مخنیوي لپاره سربېره پر دې چې پر خلکو لارې بندې کړې څو د پرلت ځای ته ځانونه ونه رسوي، د پرلتوالو د تیت پرک کولو لپاره یې له تشدده کار واخیست.
د بلوڅو د یووالې کمېټې مشره ماه رنګ بلوڅ وايي چې له حکومت سره په خبرو کې یې یو لړ شرطونه وړاندې کړي چې په هغو کې یو اساسي شرط دا دی چې د بلوڅانو د غونډو خلاف به د بلوچستان په هیڅ برخه کې له تاوتریخوالي کار نه اخیستل کېږي او ټول نیول شوي فعالان او لاریونوال به خوشي کېږي.
د پاکستان حکومت ظاهراً د بلوڅو د یووالې کمېټې له غوښتنو سره موافقه کړې خو عملاً یې تراوسه څوک خوشی کړي نه دي، له همدې کبله د بلوڅو د یووالې کمېټې تېره شپه د ایکسپاڼې له لارې له بلوڅانو وغوښتل چې پرلت ته دوام ورکړي.
د بلوڅ یووالي کمېټې په لارښوونه وروستي اعتراضونه د بلوڅ ملت په تاریخ کې کمساری ستر ولسي، سوله ییز حرت ګڼل کېږي.
د دې خوځښت مشره ماهرنګ وروسته له هغې په یوې کارزماتیکې لیډرې بدله شوه چې د بې درکه شویو بلوڅانو د برخلیک د معلومېدو لپاره یې هلې ځلې پیل کړې. د اغلې ماهرنګ په اړه په لاندې لیکنه کې معلومات لوستلی شئ:
جاهل ظالم حکام تل هڅه کوی د نورو حق غصب او وحشت ته دوام ورکړی ؛مګر د دی حق غوښتونکو چي ټول مطالبات یی په خپل مشروع حقوقو او د ظلم په دریدو راڅرخی ،پنجابی حاکم ظالمان یی غږ نه اوری او ظلم و زیاتی نور هم تشدیدوی ،حال دا چي حل یی په عادلانه حاکمیت ، انسانی چلند او تجاوزات په ټوله معنا درول دی او دا معقوله ،قانونی او کاملا انسانی غوښتنه ده خو بالمقابل وحشی حکام د حق د ورکولو پر ځای خپل دد منشانه تفکر او امیالو د حصول لپاره ما تخفی الصدور بربڼډوی او ظرفیت د عدالت او انسانیت یی نور هم پر ځمکه غورزی ،حال دا چي ظلم درول او عدالت یواځینی حل دی. نو د مظلومانو وحدت،مرصوص صف او پوخ قیادت هر ظالم ته د پوره ماتی ګزار او د مظلوم د ښه مستقبل زیرۍ دی .ان شاء الله تعالی