تاند(دوشنبه، د سرطان ۲۵ مه) د خیبرپښتونخوا په بنو کې د پاکستان د پوځ پر یوه مرکز برید، چې نن سهار پیل شوی، لا هم دوام لري.
لومړني راپورونه وايي چې په دې برید کې نژدې ۴۰ پوځیان وژل شوي یا ټپیان دي.
د دې برید مسوولیت د ټي ټي پي د حافظ ګل بهادر ډلې په غاړه اخیستی او ادعا کوي چې په پوځي مرکز کې ټول عسکر یې وژلي دي.
امنیتي چارواکو په پیل کې ویلي و چې په برید کې ملکي وګړي وژل شوي خو اوس د دې په ترڅ کې چې پوځ ته نامعلوم شمېر مرګ ژوبلې تاییدوي د څلورو ملکیانو وژل کېدا او د نژدې ۳۰ نورو ټپي کېدا تاییدوي.
راپورونه وايي چې برید له یوې چاودنې وروسته پیل شو. ګومان کېږي چې لومړی به د پوځ د مرکز په خوله کې انتحاري برید شوی وي.
یوې ځايی سرچینې رسنیو ته ویلي چې لومړی د پوځ د مرکز په خوله کې موټربمي برید شوی دی او بیا وسله وال حمله کوونکي د پوځ مرکز ته ننوتي او جګړه یې پیل کړې ده.
شاهدان وايي چې د پوځ د مرکز دپاسه هیلي کوپتر کرځي او لاندې ډزې کوي.
دا دی ای آیس ای او تی تی پی لخوا تنظیم سوي برید وو. د دغه برید په پایله کې به د کثیفستان مرتجع پوځ په قبایلي سیمو کې د نظامي عملیاتو بهانه تر لاسه او د سیمې خلک به بې ځایه او د مرکزی اسیا ، روس او چین د تهدیدونو لپاره ترهګر ځاې په ځاې کړئ.