تاند، شنبه، د جوزا ۳ مه: د کرکټ ملي لوبغاړي محمد نبي خیریه بنسټ د هېواد په څلورو ولایتونو کې پر اړمنو کورنیو خوراکي توکي ووېشل.
د دغه ویش له مخې په هلمند کې ۵۰، پروان کې ۴۰، کونړ کې ۳۸ او کابل ولایت کې ۱۸بې وزلو کورنیو ته دا مرستې ورسېدې.
محمد نبي خیریه بنسټ دا مرستې د افغان لوبغاړو او رضا کاره ځوانانو لخوا اړمنو کورنیو ته ورسول شوې، چې دې لوبغاړو کې کریم صادق، هستي ګل عابد او ګڼو رضاکاره ځوانانو برخه درلوده.
د محمد نبي خیریه بنسټ د کورونا ویروس له خپریدو سره یې خپلې مرستې چټکې کړې دي.
دې بنسټ د افغانستان نژدې ټولو ولایتونو کې د یوشمېر بې وزلو لاس نیوی کړی دی.
محمد نبي پر نورو شتمنو هم غږ کړی چې هېواد کې له اړمنو سره مرسته وکړي او دې کار کې ورته لاس ورکړي.