تاند (جمعه، د سرطان ۲۲ مه) د ملګرو ملتونو پر بندیزونو د څارنې ډلې د طالبانو د ۶۱ هغو مشرانو نومونه خپاره کړل، چې د دغه نړیوال سازمان د بندیزونو په لېست کې شامل دي.
په دې نوملړ کې دا نومونه شامل دي: د طالبانو رئیس الوزرا ملا محمد حسن اخوند، د هغه درې مرستیالان( ملا عبدالغني برادر، ملا عبدالسلام حنفي، ملا عبدالکبیر)، د طالبانو د کابینې غړي: د بهرنیو چارو وزیر ملا امیرخان متقي، د کورنیو چارو وزیر سراج الدین حقاني، د استخباراتو لوی رئیس ملا عبدالحق وثیق، د اطلاعاتو او فرهنګ وزیر ملا خیرالله خیرخواه، د سرحدونو او قبایلو وزیر نورالله نوري، د ټرانسپورت او هوانوردۍ وزیر حمید الله اخوند، د اقتصاد وزیر دین محمد حنیف، د فواید عامې وزیر محمد عیسی ثاني، د مخابراتو او معلوماتي ټیکنالوژۍ وزیر نجیب الله حقاني، د ښار جوړونې وزیر حمد الله نعماني، د برېښنا او اوبو وزیر عبدالطیف منصور، د معادن او پټرولیم وزیر هدایت الله بدري، د مرکزي بانک رئیس نوراحمد آقا، د کډوالو وزیر خلیل الرحمان حقاني، د سراج الدین حقاني ورور یحیی حقاني، د کابل امنیه قومندان ولي جان حمزه، د کورنیو چارو وزارت د اطلاعاتو رئیس رحمت الله کاکا زاده، د حقاني شبکې څو غړي: محمد طاهر حقاني، شمس الرحمان حقاني او محمد مسلم حقاني.
پر دې سربېره د طبیعي پېښو پر وړاندې د چمتووالي ادارې لوی رئیس ملا نور الدین ترابي، د سرې میاشتې لوی رئیس شهاب الدین دلاور، د کار او ټولنیزو چارو وزارت مرستیال محمد زاهد، د سوداګرۍ وزیر مرستیال قدرت الله جمال، د ملا هبت الله مالي مشاور جان محمد مدني، د چارو ادارې چارواکي سید غیاث الدین او عبدالولي صدیقي، د ملا هبت الله د فرمانونو د عملي کیدو د څار ادارې مشر شمس الدین شریعتي، د امر بالمعروف وزارت مرستیال احمد شهید خېل، د مالي تفتیش ادارې مرستیال عزالله حقاني، د مالیې وزارت مرستیال عبدالقادر حقاني، د بهرنیو چارو وزارت مرستیال عباس ستانکزی، د اطلاعاتو او فرهنګ وزارت مرستیال سعدالدین سعید، د کابل ښاروالۍ مرستیال عصمت الله عاصم، د حوادثو ادارې مرستیال عباس آخوند، د هلمند قول اردو قومندان عبدالصمد اڅکزی، تهران کې د افغان سفارت طالب سکرتر محمد علیم نوراني، د کندهار د قبایلو رئیس محمد رسول ایوب، د لوړو زده کړو وزارت څو چارواکي:( ابراهیم عمري، عبدالباقي حقاني او فضل الله ربیع) د مسلکي زده کړو ادارې مرستیال نیک محمد، د کابل پوهنتون استاد عبدالقدوس مظهري، د ننګرهار والي حاجي ګل محمد، د لوګر والي ضیا الرحمان مدني، د دفاع وزارت مرستیال فاضل مظلوم او د دغه وزارت څو چارواکي: عبدالجبار عمري او عبدالرحمان آقا شامل دي.
پر طالب چارواکو سربېره د دوی څو ملاتړي سوداګر چې د نشه یي توکیو په قاچاق تورن دي هم په دغه لیست کې شامل دي.
د دوی نومونه عبدالحسیب علیزایي، فیض الله نورزی او ملک نورزی یاد شوي.
دا لیست داسې مهال خپور شوی، چې په دوحې ناسته کې د طالبانو یوه عمده غوښتنه له یاد شوي لیست څخه د دوی د غړو او مشرانو د نومونو لیرې کول وو.
طالبانو د دغه لیست خپریدو ته تر اوسه غبرګون نه دی ښودلی.
په دغه تور لست کې د درې نورو تورمخو وزیرانو لکه د معارف اوعالي تحصیلاتو ضد وزیرانو مولوی ندا محمد ندیم او مولوی حبیب الله آغا او تر ټولو مضر او بدبخت د امر بالوحشت او نهي علی العدالت ویر شیخ محمد خالد حنفي نومونه نه ښکاري .
د هیبتې ځناور نوم خو ما په دا لست کې ونه لید.خبره ښکاره دي دا رزیل نسته او د ده په ځاې کوم دی ای آیس ای جنرال چې ، ناست دی هغه نوم او هویت م م ته ندئ معلوم.