تاند (جمعه، د جوزا ۲۵ مه) د باران د اورېدو له کبله د امریکا او آیرلنډ مسابقه لغوه شوه. امریکا او هند له اې ګروپ څخه د ۸ غوره لوبډلو پړاو ته ووتل.
لکه څرنګه چې د هوا پېژندنې ادارو پرون وړاندوینه کړې وه چې نن به د امریکا او ایرلنډ د مسابقې په مهال شدید باران واوري، هماغسي وشول.
د امریکا او آیرلنډ مسابقه بیخي لغوه شوه او دواړو تیمونو یو – یو امتیاز ترلاسه کړ.
د امریکا امتیازونه ۵ شول او که پاکستان خپله یوه پاته سیالي وهم ګټي، امتیازونه به یې څلور شي او په دې توګه بل پړاو ته له وتلو بیا هم پاته دی.
امریکا له هند وروسته د اې ګروپ د دوهمې لوبډلې په توګه د ۸ غوره ټیمونو پړاو ته ووته.