تاند (یکشنبه، د جوزا ۲۰ مه) د کرکټ د نړیوال شل اوره جام سیالیو په دوام کې پاکستان نن تقریباً ګټلې لوبه پر خپل تر ټولو سخت سیال هند وبایلله.
پاکستان دا سیالي یوازې په ۶ منډو وبایله.
پچه پاکستان ګټلې وه او لومړی یې هند ته د توپ وهنې بلنه ورکړه. هندي لوبغاړو ښايي د میدان د لوندوالي له کبله پاکستان ته خورا ټیټ هدف یعني ۱۲۰ منډې وټاکه.
د هندي لوبغاړو په منځ کې یوازې یوه لوبغاړي ۴۲ منډې وکړې، نور ژر ژر وسوځېدل.
د پاکستان په باولرانو کې نسیم شاه او حارث روف ۳ – ۳ لوبغاړي وسوځول.
خو په توپ وهنه یا بټګ کې د پاکستان لپاره له محمد رضوان پرته چې په ۴۴ توپونو یې ۳۱ منډې وکړې، بل هیڅ لوبغاړي تر ۱۳ ډېرې منډې ونه کړای شوې.
د هند لپاره نامتو باولر بومرا ښه باولینګ وکړ او له همدې کبله د لوبې غوره لوبغاړی وپېژندل شو.
ده نه یوازې ۳ لوبغاړي وسوځول بلکې لږ منډې یعني ۱۴ یې ورکړې.
دې ماتې بل پړاو ته د پاکستان د وتلو چانس نور هم کم کړ.