تاند (دوشنبې، د جوزا ۷ مه) یوه جګپوړي روسي دیپلومات نن وویل چې هیواد یې د افغانستان طالبانو ته په خپل ستر کلني اقتصادي فورم کې د ګډون بلنه ورکړې ده.
د رویټرز خبري اژانس د راپور له مخې، له هغه وخته چې طالبانو د ۲۰۲۱ کال په اګست میاشت کې واک تر لاسه کړی او د امریکا په مشرۍ ځواکونه له ۲۰ کلنې جګړې وروسته وتلي، روسیه ورو ورو له طالبانو سره اړیکې ټینګوي، که څه هم د طالبانو تحریک اوس هم په رسمي ډول په روسیه کې غیر قانوني دی.
د روسیې د بهرنیو چارو په وزارت کې د اسیا د دوهمې برخې مشر ضمیر کابلوف، دولتي خبري اژانس تاس ته ویلي، د روسیې د بهرنیو چارو او عدلیې وزارتونو ولسمشر ولادیمیر پوتین ته د بندیزونو د لیرې کولو په اړه خبر ورکړی دی.
د کابلوف له قوله ویل شوي، ځینې پوښتنې پاتې دي، که څه هم هغه وویل چې طالبانو ته د جون له ۵-۸ د سنټ پیټرزبورګ په نړیوال اقتصادي فورم کې د ګډون بلنه ورکړل شوې ده.
کابلوف وویل، افغان مشران په دودیز ډول د تیلو د تولیداتو له پیرودلو سره علاقه لري.
د سینټ پیټرزبورګ فورم، چې یو وخت د لویدیځ د اجرایوي رییسانو او د لندن او نیویارک د پانګونې بانکدارانو کوربه و، د اوکراین د جګړې له کبله د پام وړ بدلون موندلی او په 1962 م کال کې د کیوبا د توغندیي بحران له مهاله له لویدیځ سره یې د روسیې په اړیکو کې تر ټولو لوی بحران رامینځته کړی دی.