تاند (۴ شنبه، د ثور ۱۲ مه) د طالبانو د رژیم د کابينې ۲۱مه غونډه د دوی د رئيس الوزراء ملا محمد حسن اخند په مشرۍ ترسره شوه او په يو شمېر موضوعاتو بحث او پريکړې پکې شوي.
ارګ د یوې خبرپاڼې په خپرولو سره ویلي چې په یاده غونډه کې په پکتيا، پکتيکا، خوست، ننګرهار او کندهار ولايتونو کې د ډبرو سکرو د پروسس، بسته بندۍ، بارګيرۍ او تخليې په اړه بحث وشو او پرېکړه وشوه، چې د دې چارو لپاره ځانګړې شوې ځمکه کې دې د کرنې اوبو لګولو او مالدارۍ وزارت له لوري د تصفیې او د طالبانو د عمومي مشر له حکم وروسته عملي چارې پيل شي.
سرچینې زیاته کړې، چې په غوڼده کې همدارنګه د کرنې، اوبو لګولو او مالدارۍ وزارت له لوري په بلخ، ننګرهار، هرات او هلمند ولایتونو کې د شپږو کرنيزو کمپلکسونو جوړولو طرحه اقتصادي معاونیت ته وسپارل شوه، چې د هغوی له نظر وروسته تائيد او د مشرتابه مقام ته د منظورۍ لپاره وړاندې شي.
مولوي صاحب ش دلاور د پاکستان له استخباراتي ادارو سره نزدى پاتی شوى کس دی. تول یی همدغسی دي.