تاند: ( ۴ شنبه، د ثور ۵ مه) پاکستان ته د ایران د ولسمشر ابراهیم رییسي د سفر په پای کې د دواړو هېوادونو په ګډه اعلامیه کې د نورو موضوعاتو تر څنګ په افغانستان کې د ترهګرو ډلو د موجودیت ادعا شوې او په اړه یې اندېښنه ښودل شوې.
په دې اعلامیه کې راغلي، چې د ادعا شویو دغو ترهګرو ډلو حضور د سیمې او نړۍ امنیت ته خطر دی.
پاکستان او ایران په دې برخه کې د ګډو هڅو ژمنې کړي، خو نه یې دي ویلي چې په دې تړاو به څه وکړي؟
د افغانستان د دغو دوو ګاونډیو هېوادونو په دې اعلامیه کې دغه راز ویل شوي، چې د پر امنه، متحد او خپلواک افغانستان ملاتړي دي.
د دوی په وینا، د سیمې د ثبات او اقتصادي ودې لپاره په شانګهای سازمان کې د افغانستان د شاملیدو لپاره هم هڅې کوي.
ایران او پاکستان دواړه له وخت پر وخت ترینګلو اړیکو سره- سره په کابل کې د طالبانو د واکمن رژیم له نږدې متحدینو دي او په بیا واک ته رسولو کې یې رول مهم ګڼل کیږي.
د طالبانو رژیم د دوی تازه اعلامیې ته غبرګون نه دی ښودلی، خو عموماً ردوي چې ګواکې د افغانستان له خاورې ترهګرې ډلې د کوم هېواد پر ضد استفاده کوي یا افغان خاوره کې حضور لري.
پاکستانه تا خو د ایران سره د سوداګرۍ تړون لاسلیک کړ او بیرته به یې لغوه کوې ځکه پلار دې امریکا وویل چې هر چا د ایران سره سوداګري وکړه په هغوی هم بندیزونه لګوي او ته خو غرق یې په قرضونو کې یو بندیز ته هم د ټینګې نه یې.
پاکستان او ایران دواړه د څمڅیرې خاصیت لري، چا ته سر ښکاره کوي او چاته لکۍ. دا امکان نه لري چې پنجابیانو له امریکااو انګلیس نه اجازه نه وی اخیستي. د تعجب خبره دا دي چې ، څو زره کسان د اته بیلیونه انسانانو په سر لوبي کوئ او ټول ورته په رڼو سترګو ګوري او څه نسې کولى.